Tempada Ralph Fiennes 2025 no Theatre Royal Bath
- GutBer English
- Jun 2
- 2 min read
Updated: 2 days ago
A tempada de Ralph Fiennes no Theatre Royal Bath terá lugar desde finais de xuño ata mediados de outubro de 2025 e inclúe as estreas de dúas novas obras de autores consagrados (David Hare e Rebecca Lenkiewicz), así como unha nova produción de As You Like It de William Shakespeare e noites musicais con Patti Smith e Kae Tempest.
A tempada de Ralph Fiennes como director artístico no Theatre Royal Bath comeza en xuño cunha presentación da última obra de David Hare, Grace Pervades, sobre as vidas de Ellen Terry, Henry Irving e os fillos de Terry, Eddie e Teddy, e a súa influencia no teatro da súa época. Ralph Fiennes interpretará o actor e empresario Henry Irving nesta estrea mundial do 27 de xuño ao 17 de xullo. Seguirán dúas obras máis: un clásico de Shakespeare, As You Like It, que marca o debut como director do recoñecido actor e que se poderá ver do 15 de agosto ao 6 de setembro; e unha nova estrea mundial, esta vez da última obra da galardoada dramaturga Rebecca Lenkiewicz, Small Hotel, na que Fiennes interpreta unha estrela da televisión en declive do 3 ao 18 de outubro.
A programación teatral inclúe funcións subtituladas para persoas con discapacidade auditiva, así como mesas redondas sobre as diferentes obras durante a última semana de cada programa, onde membros do equipo artístico e o elenco debaterán os temas tratados nas obras e responderán ás preguntas do público que asistiu esa noite.
O elenco das tres obras inclúe, ademais do actor e director, nomes eminentes como Miranda Raison, Harriet Walter, Gloria Obianyo, Dylan Moran, Patrick Robinson, Francesca Anis e Rosalind Eleazar.
Ademais destas estreas teatrais estelares, a tempada complétase con outras actividades, como concertos íntimos que o teatro ofrece con artistas como Patti Smith o 6 de xullo e Kae Tempest o 13 de xullo.
As entradas para estes eventos están dispoñibles na páxina web do Theatre Royal Bath dende 15 libras.
Podes descargar o folleto da temporada aquí. -
GutBer English é unha academia de inglés no centro da Coruña con máis de 20 anos de presenza na ciudade e varias xeraciós de alumnos que teñen saído das nosas aulas dominando o idioma inglés e certificando o seu nivel cun diploma oficial que lles ten aberto as portas do mundo laboral e académico. Únete aos nosos grupos de inglés de Infantil e Primaria, ESO, Bachalerato ou adultos, ou participa nos nosos cursos online de Legal English para TOLES e de Sintaxe Inglesa para universitarios.
Comments